₹2000 च्या नोटांबाबत अजूनही अनेक नागरिकांमध्ये संभ्रम आहे. बँकांमध्ये या नोटा बदलून मिळतात का? त्या अजूनही वैध आहेत का? याबाबत भारतीय रिझर्व्ह बँकेने (RBI) स्पष्ट भूमिका कायम ठेवली आहे. ₹2000 च्या नोटा कायदेशीर चलन (Legal Tender) आहेत, मात्र त्यांची देवाणघेवाण आणि जमा करण्याची सुविधा सर्वसामान्य बँक शाखांमध्ये उपलब्ध नाही. ती ठराविक RBI इश्यू कार्यालयांमधूनच केली जाते.
₹2000 ची नोट अजूनही वैध आहे का?
होय. RBI ने मे 2023 मध्ये ₹2000 च्या नोटा चलनातून टप्प्याटप्प्याने मागे घेण्याचा निर्णय घेतला होता. मात्र या नोटा रद्द करण्यात आलेल्या नाहीत. त्यामुळे त्या आजही कायदेशीर चलन म्हणून वैध आहेत.
मग नोट कुठे बदलता येईल?
सध्या देशभरातील नियमित बँक शाखांमध्ये ₹2000 च्या नोटा बदलण्याची सुविधा उपलब्ध नाही. मात्र RBI च्या 19 Issue Offices मध्ये नोट जमा किंवा बदलण्याची सुविधा सुरू आहे. तसेच भारतातील कोणत्याही पोस्ट ऑफिसमधून India Post च्या माध्यमातून नोट RBI कार्यालयात पाठवून ती आपल्या बँक खात्यात जमा करण्याची सुविधाही उपलब्ध आहे.
किती नोटा अजूनही बाजारात आहेत?
RBI च्या आकडेवारीनुसार, ₹2000 च्या बहुतांश नोटा बँकिंग व्यवस्थेत परत आल्या आहेत. तरीही काही हजार कोटी रुपयांच्या नोटा अजूनही लोकांकडे आहेत. त्यामुळे ज्यांच्याकडे या नोटा आहेत त्यांनी विलंब न करता RBI च्या अधिकृत प्रक्रियेचा वापर करावा.
हेही वाचा: आषाढी वारीत माणुसकीचं दर्शन! DCP डॉ. संदीप भाजीभाकरे यांनी फिट आलेल्या वारकऱ्याचे प्राण वाचवले
नागरिकांनी काय लक्षात ठेवावे?
- ₹2000 ची नोट अजूनही Legal Tender आहे.
- सर्व बँकांमध्ये एक्सचेंज सुविधा उपलब्ध नाही.
- फक्त RBI Issue Office किंवा India Post मार्फत प्रक्रिया करता येते.
- अधिकृत माहितीसाठी RBI च्या संकेतस्थळावरील सूचनाच ग्राह्य धराव्यात.
अफवांवर विश्वास ठेवू नका
सोशल मीडियावर ₹2000 च्या नोटांबाबत विविध दावे आणि अफवा पसरत असतात. मात्र RBI कडून अधिकृतरीत्या जाहीर करण्यात आलेल्या सूचनांनुसारच नागरिकांनी निर्णय घ्यावा. कोणतीही नवीन अंतिम मुदत किंवा नियम लागू झाल्यास त्याची माहिती RBI अधिकृतपणे जाहीर करते.
