अवघ्या 6 कोटींच्या बजेटचा चमत्कार! ‘बॉर्डर 2’ची लाट असतानाही मराठी चित्रपटाची ऐतिहासिक कमाई

सनी देओलचा बहुचर्चित ‘बॉर्डर 2’ बॉक्स ऑफिसवर तुफान चालू असतानाच, अवघ्या 6 कोटी रुपयांच्या बजेटमध्ये तयार झालेल्या एका मराठी चित्रपटाने संपूर्ण चित्रपटसृष्टीचं लक्ष वेधून घेतलं आहे.

विशेष म्हणजे हा चित्रपट आता थिएटरमध्ये चौथ्या आठवड्यातही दमदारपणे टिकून आहे, ही बाब स्वतःतच मोठी मानली जात आहे.

‘क्रांतिज्योती विद्यालय: मराठी माध्यम’ची यशस्वी वाटचाल

हेमंत ढोमे दिग्दर्शित ‘क्रांतिज्योती विद्यालय: मराठी माध्यम’ हा चित्रपट 1 जानेवारी 2026 रोजी प्रदर्शित झाला.
‘धुरंधर’ आणि ‘बॉर्डर 2’सारख्या मोठ्या हिंदी चित्रपटांच्या स्पर्धेतही या मराठी चित्रपटाने आपली वेगळी ओळख निर्माण केली आहे.

• चौथा आठवडा सुरू असतानाही थिएटरमध्ये houseful शो
• कुटुंबीय, शिक्षक, पालक, विद्यार्थी वर्गाकडून भरघोस प्रतिसाद

फक्त 6 कोटींचा खर्च, कमाई थेट 23 कोटींच्या पुढे

या चित्रपटाचं बजेट फक्त 6 कोटी रुपये इतकं होतं. मात्र आतापर्यंत —

• एकूण कमाई: ₹23.26 कोटी

• चौथ्या वीकेंडची कमाई: ₹2.77 कोटी

ही कमाई पाहता हा चित्रपट 2026 मधील सर्वात यशस्वी मराठी चित्रपटांपैकी एक ठरत असल्याचं स्पष्ट होतंय.

‘बॉर्डर 2’ची टक्कर, तरीही मराठी चित्रपट वरचढ

बॉर्डर 2 सारख्या मोठ्या बजेटच्या देशभक्तीपर चित्रपटाची लाट असतानाही क्रांतिज्योती विद्यालय’ने आपली स्क्रीन टिकवून ठेवली. प्रेक्षकांची पावलं थिएटरकडे वळवली यामुळे मराठी चित्रपटसृष्टीसाठी हा आत्मविश्वास वाढवणारा क्षण मानला जात आहे.

दिग्दर्शक हेमंत ढोमे काय म्हणतात?

दिग्दर्शक हेमंत ढोमे म्हणाले,

कुरळे ब्रदर्सचा कडक नियम धुळीस! ‘पुन्हा एकदा साडे माडे तीन’मध्ये रिंकू राजगुरूचा धमाका

आता हा चित्रपट माझा राहिला नाही, तो संपूर्ण महाराष्ट्राचा झाला आहे. तिकीटबारीच्या आकड्यांपेक्षा हा चित्रपट जे सामाजिक परिवर्तन घडवतोय, तो माझ्यासाठी खूप मोठा विजय आहे. त्यांनी पुढे सांगितले की,
मराठी शाळा टिकल्या पाहिजेत, वाढल्या पाहिजेत आणि मातृभाषेतून दर्जेदार शिक्षण मिळालं पाहिजे, हा या चित्रपटाचा खरा संदेश आहे.

कलाकारांची दमदार फळी, अभिनयाचं भरभरून कौतुक

या चित्रपटात —

• अमेय वाघ
• सिद्धार्थ चांदेकर
• प्राजक्ता कोळी
• सचिन खेडेकर
• निर्मिती सावंत
• क्षिती जोग
• कादंबरी कदम

यांसह अनेक कलाकारांनी जिवंत आणि भावनिक अभिनय केला आहे. प्रेक्षकांकडून सोशल मीडियावरही या चित्रपटाचं भरभरून कौतुक होत आहे.