जर तुमचं पॅन कार्ड हरवलं असेल, चोरीला गेलं असेल किंवा खराब झालं असेल, तर काळजी करण्याचं कारण नाही. Income Tax Department अशा परिस्थितीत डुप्लिकेट (री-प्रिंट) पॅन कार्ड जारी करते. विशेष म्हणजे, ही प्रक्रिया ऑनलाइन आणि ऑफलाइन दोन्ही प्रकारे करता येते आणि ऑनलाइन अर्ज केल्यास ई-पॅन लगेच डाउनलोड करता येतो.
डुप्लिकेट पॅन कार्ड म्हणजे तुमच्याच जुन्या पॅन क्रमांकावर दिलेलं नवीन कार्ड—नवीन पॅन नंबर मिळत नाही.
डुप्लिकेट पॅन कार्ड कधी आवश्यक ठरतं?
खालील परिस्थितीत डुप्लिकेट पॅन कार्डसाठी अर्ज करता येतो:
- पॅन कार्ड हरवणं किंवा चोरीला जाणं
- कार्ड कुठेतरी ठेवून विसरणं
- कार्ड फाटणं, जळणं किंवा वाचण्यायोग्य न राहणं
डुप्लिकेट पॅन कार्ड ऑनलाइन कसं मिळवायचं?
ऑनलाइन अर्ज करणं हा सर्वात सोपा आणि जलद मार्ग आहे.
स्टेप-बाय-स्टेप प्रक्रिया:
- Protean (NSDL) च्या अधिकृत वेबसाइटला भेट द्या
- “Tax Modernization” अंतर्गत PAN Services निवडा
- “Apply Now” वर क्लिक करा
- “Reprint of PAN Card” पर्याय निवडा
- पॅन नंबर, आधार नंबर, जन्मतारीख (GSTN असल्यास) भरा
- डिक्लरेशन स्वीकारा, कॅप्चा भरा आणि सबमिट करा
- अर्ज शुल्क भरा
- पैसे भरल्यानंतर 15 अंकी Acknowledgement Number मिळेल
या नंबरद्वारे अर्जाची स्थिती ट्रॅक करा
ऑनलाइन अर्ज केल्यावर ई-पॅन (PDF) त्वरित डाउनलोड करता येतो.
ऑफलाइन डुप्लिकेट पॅन कार्डसाठी अर्ज कसा कराल?
जर तुम्हाला ऑफलाइन अर्ज करायचा असेल, तर खालील स्टेप्स फॉलो करा:
- “Request for New PAN Card or/and Changes or Correction in PAN Data” हा फॉर्म डाउनलोड करा
- काळ्या पेनने BLOCK LETTERS मध्ये फॉर्म भरा
- तुमचा 10 अंकी पॅन नंबर नमूद करा
- वैयक्तिक अर्जदाराने 2 पासपोर्ट साइज फोटो जोडावेत
- सर्व आवश्यक ठिकाणी स्वाक्षरी करा
- फॉर्म आणि कागदपत्रे NSDL PAN Center किंवा UTIITSL केंद्रावर जमा करा
- पैसे भरल्यानंतर 15 अंकी पोचपावती क्रमांक मिळेल
- या क्रमांकाद्वारे अर्जाची स्थिती तपासा
साधारणपणे 15–20 दिवसांत डुप्लिकेट पॅन कार्ड पोस्टाने पाठवलं जातं.
डुप्लिकेट पॅन कार्डसाठी आवश्यक कागदपत्रे
ओळखपत्र: आधार कार्ड / मतदार ओळखपत्र / पासपोर्ट / ड्रायव्हिंग लायसन्स
पत्त्याचा पुरावा: आधार / वीज बिल / पाणी बिल / पासपोर्ट
हे वाचा: मुंबईत 15 जानेवारीला सुट्टी जाहीर! BMC निवडणुकीसाठी सरकारचा मोठा निर्णय
जन्मतारीख पुरावा: आधार / पासपोर्ट / जन्म प्रमाणपत्र / गुणपत्रिका
जुना पॅन (असल्यास): छायाप्रत
FIR ची प्रत: (चोरी झाल्यास)
ई-पॅन (Duplicate PAN PDF) कसा डाउनलोड करायचा?
- TIN-NSDL वेबसाइट उघडा
- “e-PAN / PAN Download” पर्याय निवडा
- PAN किंवा Acknowledgement Number निवडा
- आवश्यक माहिती आणि कॅप्चा भरा
- OTP मिळवण्यासाठी मोबाइल / ईमेल निवडा
- OTP Verify करा
- “Download PDF” वर क्लिक करा
ई-पॅन PDF पासवर्ड-प्रोटेक्टेड असतो—बहुतेक वेळा पासवर्ड तुमची जन्मतारीख असते.
एकापेक्षा जास्त पॅन असल्यास काय करावे?
कायद्यानुसार एका व्यक्तीकडे फक्त एकच पॅन कार्ड असणे बंधनकारक आहे. चुकून दोन पॅन जारी झाले असतील, तर अतिरिक्त पॅन सरेंडर करणे आवश्यक आहे.
डुप्लिकेट पॅन कसा सरेंडर कराल?
- तुमच्या Assessing Officer ला पत्र लिहा
- पत्रात पूर्ण नाव, DOB, ठेवायचा पॅन आणि सरेंडर करायचा पॅन नमूद करा
- स्पीड पोस्टने पाठवा किंवा थेट कार्यालयात जमा करा
- मिळालेली पोचपावती हा रद्दीकरणाचा पुरावा असेल
